„ენის საფიხვნო“ და ონლაინსამყარო

ანოტაცია

ტექნოლოგიური პროგრესის ეპოქაში დღითიდღე უფრო მეტად ინფორმაციული ხდება თანამედროვე საზოგადოება, რაც იძლევა აზრთა გაზიარების, ურთიერთგაცვლის საშუალებას ჩვენი ცხოვრების ნებისმიერ სფეროში. ონლაინსამყარო შეიძლება წარმოვიდგინოთ, როგორც ღია სივრცე, სადაც არ არსებობს განმარტოება, არ არსებობს მხოლოდ ერთი, მონოლოგი. აქ აუცილებლად არის დიალოგი ან უფრო მეტი, კრებული (საკრებულო). ამ კრებულს ჩვენ, ზოგადად, ვუწოდებთ „საფიხვნოს“. ამის საფუძველი
მოგვცა იმან, რომ ინტერნეტსივრცეში ამ სახელწოდებით შექმნილია რამდენიმე ვებგვერდი, რომელთა ინტერესის საგანი სხვადასხვაგვარია.