ფერეიდნული დიალექტი – პირველი დაკვირვებანი და მეცნიერული შესწავლა

ანოტაცია

ირანის ისლამურ რესპუბლიკაში დღესაც ცხოვრობენ საუკუნეების წინ იძულებით გადასახლებულ ქართველთა შთამომავლები, რომელთაგან მხოლოდ ისპაჰანის პროვინციაში, ფარიდანის, ფერეიდუნშაჰრისა და ბოინ-მიანადაშტის რაიონებში არსებული ქართული სოფლების მცხოვრებლებმა შეინარჩუნეს ქართული ენა. ეს რეგიონი სამეცნიერო ლიტერატურაში მოიხსენიება როგორც ფერეიდანი. ფერეიდნელ ქართველთა მეტყველება მრავალი თაობის ქართველ მკვლევართა კვლევის საგანია.